Според пишувањата на српските медиуми, Лепа Лукиќ прима три пензии кои вкупно изнесуваат околу 326.000 динари (170.000 денари).
Во 2011 година таа добила и национално признание за придонес во културата, што на месечно ниво изнесува 73.000 динари (38.000 денари). Сепак, најголемиот дел од приходите ѝ доаѓа од Канада, каде што пензијата изнесува 1.250 евра.
„Јас немам никаква врска со пензионерите. Да, во тие години сум, но се дружам со млади. Во пензија сум веќе цели 23 години. Ништо не барам, задоволна сум. Имам три пензии. Сè сум заслужила. Националната ја добив со заслуга. Веќе 25 години сум во статус на естраден уметник, а пред тоа бев обичен естраден уметник. Така добив повисока основица за пензијата. Можам да трошам по една пензија неделно, не морам да се штедам. Едната е 107.000 динари (56.000 денари), како основна пензија што ја заслужив со работниот стаж, втората е националната пензија, која ми ја додели државата, во износ од 73.000 динари (38.000 денари), а третата е 1.250 евра, која ја добивам од Канада и која ја наследив од покојниот сопруг. Имам и по некој настап“, раскажала Лепа Лукиќ во емисијата „Posle ručka“ на Happy TV.
„Зошто да настапувам? Не морам. Пеам затоа што сакам. Што се однесува до парите, никогаш не би морала да запеам! Имам добри примања, три пензии. Канадска, една нормална пензија според работниот стаж и национална пензија. Но, јас уживам во тоа. Тоа ме подмладува, ме враќа во младоста, полна сум со енергија и ништо не ми е тешко. Зошто воопшто би морала да снимам, кога можам да живеам од песните кои биле и останале големи хитови? Но, сакам да ги израдувам моите обожаватели“, рекла Лепа своевремено во емисијата „Jutro“ на Prva, пишува Telegraf.
