Во дворот има базен, а куќата е опкружена со луксузни вили, има две купатила, кујна и трпезарија, и целата е поплочена.
Лепа Брена и нејзиниот сопруг Слободан Боба Живојиновиќ ја продаваат нивната луксузна вила на брегот на Мајами за 16,9 милиони долари, пренесуваат американските и српските медиуми.
„Њујорк пост“ пишува дека поранешниот тениски ас, кој претходно тврдеше дека имал пријателски односи со принцезата Дијана во 1980-тите додека таа сè уште беше во брак со принцот Чарлс, го продава луксузниот имот што со години го поседуваше славната двојка.
Боба и Брена ја купија луксузна вила во 2012 година и уживаа да одат таму секогаш кога имаа време, како и нивните деца.
Куќата е изградена во 1950 година во типичен монтажен, американски стил и се простира на 400 квадратни метри.
Во дворот има мал базен, а куќата е опкружена со луксузни вили, има две купатила, кујна и трпезарија, и целата е поплочена. Се наоѓа веднаш на брегот и нуди прекрасен поглед на океанот.
Нивните соседи се многу познати личности, а се проценува дека месечното одржување на таков имот чини 2.000 долари, како што пишува српски Курир.
Ова не е единствениот имот во сопственост на Брена и Боба. Тие поседуваат вила на Бежанијска коса, недвижен имот во елитната населба Нови Београд, стан во Монте Карло и многу повеќе. Сепак, слободното време секогаш го користат за патување, па ретко се задржуваат на едно место.
