Лејди Гага откри дека на настапот на инаугурацијата на американскиот претседател Џо Бајден на 20 јануари минатата година, носела фустан отпорен на куршуми, пренесува „DailyMail“.
Фото: EPA-EFE/Win McNamee /Пејачката и актерка го нарече својот настап „еден од најубавите моменти во нејзиниот живот“. Креацијата на фустанот е дело на модната куќа „Schiaparelli“. Во интервју за магазинот „Vogue“ вели дека се плашела додека Доналд Трамп бил претседател.
„Како и многу луѓе во Америка, чувствував неопислив страв кога Трамп беше на власт. Пеев во фустан отпорен на куршуми. Не знам дали публиката го знае ова за мене, но порано сакав да бидам воена новинарка“, откри таа.
„Бев воодушевена кога го видов златниот брош во облик на гулаб. „Schiaparelli“ е италијанска модна куќа, а со изборот на фустанот сакав да покажам колку сум горда на моето италијанско-американско потекло. Го пречекав 46-от претседател на САД на достоинствен начин“, додаде таа.
