Пејачот кој според многумина ја отпеа најубавата љубовна песна „When a man loves a woman“, Мајкл Болтон откри како се чувствува сега.
Мајкл Болтон, познатиот американски пејач, кого обожавателите имаа можност да го гледаат во хит серијата „Два и пол мажи“, се огласи на социјалната мрежа Фејсбук каде откри дека минатиот месец оперирал тумор на мозокот.
Болтон изјави дека при прегледот лекарите утврдиле дека има тумор кој мора итно да се оперира, дека благодарение на „одличните лекари се поминало добро“ и дека сега закрепнува.
„Најпрво да ви посакам среќни празници и добро здравје“, ја започна својата објава Болтон на споменатата социјална мрежа, по што ги откри деталите од битката за здравјето:
„Непосредно пред празниците ми беше дијагностициран тумор на мозокот и ми беше потребна итна операција. Благодарение на мојот неверојатен медицински тим, операцијата беше успешна. Сега закрепнувам дома, опкружен со големата љубов и поддршка од моето семејство. Секогаш е најтешко да се разочараат фановите со одложување на концерт, но бидете уверени дека се обидувам да го забрзам закрепнувањето и наскоро да се вратам на сцена. Ги чувам вашите позитивни мисли во моето срце, ќе ве известам што се случува, сите ве сакам“.
