Актерката Кристен Стјуарт во емисијата „Хауард Стерн“ сподели дека девојка ѝ Дилан Мејер го поставила судбоносното прашање по двегодинишна врска, пренесува „Page Six“.
„Се жениме, апсолутно ќе го направиме тоа“, сподели актерката. „Сакав да бидам запросена, па мислам дека многу јасно го објаснив она што го сакам и таа го постигна. Се жениме, се случува“.
View this post on Instagram
Веста за свршувачката ја добиваме речиси точно две години откако Стјуарт му кажа на Стерн дека не може „да чека“ да ја запроси Дилан – по само три месеци врска.
„Сакам да бидам донекаде разумна во врска со тоа, но мислам дека добрите работи се случуваат брзо“, сподели актерката од „Твајлајт“ во тоа време.
View this post on Instagram
Кристен и Дилан првпат се сретнаа пред осум години, но тие се поврзаа на забава на заеднички пријател во 2019 година. Двојката првпат се појави во јавноста кога беа забележани како се бакнуваат во Њујорк по раскинувањето на Стјуарт со манекенката Стела Максвел, со која се забавуваше две години.
View this post on Instagram
