Кралот Чарлс III од Велика Британија му го честиташе четвртиот роденден на својот внук, принцот Арчи за време на семејната вечера по крунисувањето, известува британскиот портал „Пејџ сикс“.
На 6 мај, церемонијата на крунисување на Чарлс III и Камила Паркер-Боулс се одржа во Вестминстерската опатија. По официјалниот дел, високи членови на кралското семејство се собраа на гала банкет во Бакингемската палата.
Принцот Хари, кој и покрај несогласувањата со роднините, сепак присуствуваше на крунисувањето на неговиот татко, веднаш по церемонијата го напушти Лондон за да биде навреме за роденденот на неговиот син Арчи.
На банкетот, Чарлс Трети им се заблагодари на сите блиски кои го поддржаа на овој значаен ден и крена здравица за неговиот внук, посакувајќи му „среќен четврти роденден, каде и да е“.
Според „Пејџ сикс“, принцот Хари „набрзина“ го напуштил Лондон веднаш по официјалната церемонија на крунисување на неговиот татко. Според упатените, Чарлс Трети бил „разочаран“ што неговиот најмлад син не останал со него на овој важен ден, а другите членови на кралското семејство „здивнале“ откако дознале дека Хари нема да биде на банкетот.
