Меѓу највпечатливите учесници на крунисувањето на кралот Чарлс и кралицата Камила беше секако Пени Мордоунт, впечатлива русокоса жена која му го предаде мечот на кралот. Милиони гледачи ширум светот се прашуваа која е жената во сино-зелен фустан, но 50-годишната политичарка им е доста добро позната на Британците.
Пенелоп Мери Мордоунт е членка на Конзервативната партија која била на различни функции, водејќи шест различни министерства од 2015 година (меѓу другото, таа беше првата жена на чело на Министерството за одбрана), а моментално е лидерка на Долниот дом на британскиот парламент.
На таа позиција дојде за време на краткотрајниот мандат на премиерка Лиз Трас, по чија оставка на 20 октомври 2022 година Мордоунт, тогашен државен министер за трговска политика, влезе во трката за лидерство на партијата, а со тоа и за функцијата премиер на Обединетото Кралство. Но, таа не успеа да ја добие потребната поддршка од сто претставници, па мораше да се повлече од трката и актуелниот премиер Риши Сунак ја доби позицијата без противкандидат. Сунак ја задржа Пени Мордоунт во Кабинетот, а таа остана на чело на Долниот дом и ја држи позицијата на претседавач на меѓуресорскиот Совет. Токму од оваа позиција Мордоунт свечено ја објави смртта на кралицата и го прогласи Чарлс за нов британски крал, два дена по смртта на Елизабета Втора, пишува „Гардијан“.
View this post on Instagram
На крунисувањето, Мордоунт беше одговорна за протоколарната должност да го носи државниот меч и да му го предаде мечот со скапоцени камења на кралот. Таа е првата жена носител на меч на кралските крунисувања, па се погрижи добро да ја запаметат – наместо церемонијалната црна и златна дворска наметка што обично ја носат во протоколарни прилики, таа носеше поженствен и повпечатлив фустан со наметка, направен специјално за неа од модната куќа „Сафија“.
Лентата за коса и наметката се украсени со златен вез со листови од папрат, кои на изгледот на политичарката дадоа антички шмек, а за нив се погрижи ателјето „Хенд енд Лок“.
Сите имаа само пофални зборови за импресивниот изглед на Пени. Политичарката Емили Торнбери од Лабуристичката партија на Твитер напиша: „Носителката на мечот го украде шоуто“, а нејзиниот колега Крис Брајант се пошегува: „Пени е помоќна од мечот“. Токму поради вниманието што го привлече, многумина ја споредија со моментот од свадбата на принцот Вилијам и принцезата Кетрин во 2011 година кога сите зборуваа за сестрата на Кејт, Пипа Мидлтон.
View this post on Instagram
Мордаунт носеше не еден, туку два меча за време на церемонијата. Прво, во поворката до опатијата, таа го носеше државниот меч од 17 век, а подоцна го замени со меч украсен со скапоцености – држачот на мечот е обложен со дијаманти, рубини и смарагди.
Мечот ја симболизира кралската моќ и способноста да се одлучува помеѓу доброто и злото, како и прифаќањето на должноста и витешките доблести од страна на кралот.
Кога ја прашале како се чувствува во присуство на кралот со „големиот остар меч“, таа одговорила дека чувствувала „ужасна тежина на одговорност“.
Мортаунт оцени дека церемонијата е исклучително важна за нејзината земја и смета дека монархијата опстојува „бидејќи постојано се прилагодува и менува и е секогаш актуелна“.
View this post on Instagram
