Документарната серија на војводата и војвотката од Сасекс за Нетфликс, за која многу се зборуваше, содржи и преглед на блиските пријатели и семејството на парот, од Серена Вилијамс до мајката на Меган, Дорија Рагланд. Но, едно од помалку познатите лица е внуката на Меган, Ешли Хејл, која ретко се гледа во јавност.
View this post on Instagram
Во третата епизода, облечена во син фустан, таа се појавува и претставена е како размислува за нејзиниот личен однос со Меган – кој бил под влијание на нејзината биолошка мајка, Саманта Маркл, полусестра на војвотката.
„Оваа врска, толку важна за мене, беше под големо нејзино влијание“, вели таа, почнувајќи да плаче и да превртува со очите во обид да се смири:
„Тешко беше да поверувам дека поради мајка ми, овој однос беше одземен од мене.”
Еве се што треба да знаете за саканата внука на Меган.
Хејл е ќерка на полусестрата на Меган, Саманта, чиј татко е Томас Маркл (таткото и на војвотката). Саманта е плод на бракот на Томас со неговата сопруга Рослин, кој заврши пред да ја запознае Дорија и да се роди нивната ќерка Меган.
Како што раскажува Хејл во документарецот, таа не била одгледана од нејзината мајка. Таа вели: „Мојата биолошка мајка е Саманта Маркл. И сите се согласивме, јас и брат ми, дека сме израснати од нашите баба и дедо. Така, тие го добиле нашето старателство кога имав околу две години. И конечно не посвоија. Така, јас бев воспитана од моите баба и дедо: за мене тие беа мои родители“.
View this post on Instagram
Саманта се најде на насловните страници со серија негативни интервјуа во кои изнесе тврдења за војвотката, а сите беа подоцна демантирани од самата Маркл.
Иако ја одгледале нејзините баба и дедо, Хејл во документарецот објаснува дека подоцна повторно се поврзала со нејзината биолошка мајка „околу 2007 година“, раскажувајќи како обновената врска со Саманта Маркл и дозволила да создаде блиска врска со тетката Меган, која ја нарекува „Мег“.
Меган зборува и за врската со нејзината внука Ешли, објаснувајќи:
„Веднаш се разбравме. И тогаш јас и таа, знаете дека бев во Suits во тоа време, и затоа ѝ реков „ајде да одиме на одмор“.
Прикажувајќи серија слатки снимки од нивното патување во Њу Орлеанс, кои Хејл ги опишува како „прилично посебни“, во текот на целата епизода јасно е дека тетката и внуката имале блиска врска. „Мислам дека таа презема многу различни улоги за мене“, вели Ешли, „има елемент на сестра, има нешто мајчинско, таа е најдобра пријателка, тоа е сè“.
Откривајќи како влијаела нивната врска во последниве години, Меган вели: „Врската беше ставена на тест од медиумите. Не сакав нејзиниот живот да биде зафатен од сета таа драма“.
Хејл открива дека моментално работи како адвокатка специјализирана за имиграција. Според нејзиниот профил на LinkedIn, таа соработува со фирмата Fragomen во Сан Франциско.
Фановите можеби забележаа дека и покрај нивната блиска врска, Ешли не присуствуваше на кралската венчавка, која се одржа во мај 2018 година.
Меган го објаснува ова дека тоа е грешка на асистентите во палатата Кенсингтон, кои биле загрижени за можноста да се покани Ешли, но не и нејзината мајка Саманта.
Поточно со прашањето – Како да се објасни дека Саманта не е поканета на свадба, туку ќерката на маќеата?
Имено, како што објаснува Меган, таа и Хари ја повикале Ешли и ѝ ја објасниле ситуацијата. Ешли пак рече дека била повредена но дека: „го разбрав значењето на одлуката“.
