Хостеса со само 20 години – русокоса девојка која студира и работи како хостеса во Барселона. Вака Ел Периодико ја опишува девојката со која Жерар Пике ја изневерил Шакира. Истиот магазин ја пренесе веста дека љубовта на Шакира и Пике заврши поради неговото неверство. Шакира наводно ги затекнала во кревет, а потоа Пике набрзо се иселил од заедничкиот стан. Името на љубовницата не е откриено, но Ел Периодико пишува дека знаат се за неа.
Инаку, врската меѓу Пике и Шакира наводно долго време е затегната, а родителите на соучениците на нивните синови тврдат дека извесно време ги немаат видено Пике и Шакира заедно. Блиските на парот тврдат дека Шакира и Пике наскоро ќе ја објават целата приказна – но никој не знае дали ќе демантираат се или навистина ќе потврдат дека се разделуваат.
