Драгана Јовановска е млада пејачка која зад себе веќе има неколку авторски композиции „Гламур“, „Случајно“, „Лага“ , „Оди си“, а пред неколку дена излезе и нејзиниот дует со пејачот Мартинијан Кириловски.
За јавноста е познато дека Драгана е ќерка на нашата фолк-пејачка Тања Јовановска – Трајкова. Но за разлика од мама, 19-годишната девојка се одлучи да влезе во светот на забавната музика.
Кратко е на сцената, но напорно работи и редовно објавува нов материјал. Нејзините песни се проследени и со спотови, а публиката ја сака нејзината топла и мила енергија.
Драгана минатиот месец за песната „Лага“ изјави дека не е посветена на некого конкретно, но дека со оваа песна сака да испрати генерално порака луѓето помалку да лажат.
„Денес некако сите околу нас лажат. Зборувам цел свет, насекаде. Сакам преку музика да испратам порака луѓето да престанат да лажат. Вистината е добра работа“, вели таа.
Првиот дует за неа е новата песна „Луди и наивни“ со Мартинијан. Преубава поп песна работена со Роберт Билбилов. Под летниот спот веќе се собираат бројни коментари и комплименти за овој проект.
