Ќерката на пејачката Гоца Тржан и Иван Маринковиќ, Лена Маринковиќ, со кратка порака на социјалните мрежи привлече големо внимание и најави промена на презимето.
Гоца Тржан и Иван Маринковиќ во бракот ја добиле ќерката Лена. По нивното разделување, пејачката сама се грижела за неа во текот на нејзиното растење.
Лена досега го носеше презимето на татко ѝ – Маринковиќ, но сега откри дека наскоро би можела да го промени и да го земе презимето на мајка ѝ, односно да стане Лена Тржан.
Повод за реакциите беше коментарот на еден од нејзините следбеници на социјалните мрежи.
„Зарем не е Лена Тржан?“, ја прашал тој.
Лена набрзо одговорила со кратка порака:
„Ќе биде наскоро.“
Нејзиниот одговор веднаш привлече внимание, особено поради тоа што веќе подолго време се пишува за нејзиниот однос со татко ѝ.
Лена неодамна го прослави својот 19. роденден. По тој повод, нејзината мајка ѝ упати емотивна честитка и ја опиша како своја „најголема радост и страв истовремено“.
Гоца тогаш се присети и на моментите од раѓањето на Лена, како и на стравовите со кои се соочувала како мајка.
„Оваа наша заедничка фотографија од нуркањето е толку симболична: сакав да ти помогнам да го победиш стравот од длабочината, стравот од непознатото, стравот од ајкулите и затоа заедно се соочивме со нив. Токму како што јас пред 19 години се соочив со стравот од загубата, од животот, од безрезервната љубов, а ти ми дојде како награда и начин да ги победам“, напишала Гоца.
