Кејт Мидлтон и принцот Вилијам „почувствувале олеснување“ кога дознале дека Меган Маркл нема да присуствува на крунисувањето на Чарлс Трети, пренесува британски „Пејџ сикс“.
Писателката Елоиз Паркер изјави за Entertainment Tonight дека принцот и принцезата од Велс ќе можат да се чувствуваат удобно во отсуство на војвотката од Сасекс, бидејќи „ќе има помалку внимание на нив“.
„Нивната врска е толку напната, а вистината е дека никогаш нема да видиме момент на вистинско пријателство меѓу Кејт и Меган. Сè се чува во тајност, но мислам дека е големо олеснување за Кејт што Меган нема да дојде на крунисувањето“, објасни кралската експертка.
Вчера Бакингемската палата потврди дека принцот Хари ќе се појави на крунисувањето на Чарлс Трети без Меган Маркл.
„Бакингемската палата со задоволство потврди дека војводата од Сасекс ќе присуствува на службата за крунисување во Вестминстерската опатија на 6-ти мај. Војвотката од Сасекс ќе остане во Калифорнија со принцот Арчи и принцезата Лилибет“, се вели во соопштението.
Во меѓувреме, гласините за недоразбирањата меѓу Хари и Меган стануваа погласни, а според многумина, разводот е зад аголот.
