Според британските медиуми, по смртта на кралицата Елизабета Втора, принцот Вилијам и неговата сопруга Кејт, принцезата од Велс, наследиле куќа во рурален дел на Велс.
Пространиот древен имот Слојнивермод (Llwynywermod) од 192 хектари лоциран во округот Кармартеншир бил купен од страна на кралот Чарлс Трети пред 15 години. Чарлс често престојувал таму со сопругата Камила, а наводно тие се дружеле и со локалното население и присуствувале на црковните служби во недела.
Чарлс таму официјално ја отворил месната заедница, а порано учествувал и во локалната лотарија.
Токму на овој „таен“ имот тие престојуваа по смртта на таткото на Чарлс, Филип во април 2021 година.
View this post on Instagram
Куќата се состои од соба за дневен, престој мала кујна и три спални соби. Има и камин и пространи прозорци, а во 2007 година чинела 1,2 милиони фунти.
Наводно, Чарлс поминал 40 години во потрага по совршено рурално прибежиште пред да се смести на имотот Слојнивермод, чии делови можат да ги резервираат семејства или парови кои бараат релаксирачки одмор.
Локалните жители се сигурни дека Чарлс сега нема да има време за посети, но ќе ги посетуваат идниот крал и кралица кои веќе го освоија срцето на нацијата.
