Супругата на пејачот Дарко Лазиќ, Катарина Лазиќ, често ги дели своите совети за исхрана и тренинзи на социјалните мрежи, но токму поради тоа неодамна се најде на мета на негативни коментари. Еден од следбениците ја советуваше да „ужива во животот и да се угледа на Дарко кој ужива во храната, пиењето и излегувањата“, додавајќи дека во спротивно тој може да најде некоја слична на себе.
Катарина не остана рамнодушна на овие провокации, па јавно одговори без влакна на јазикот:
„А што ако јас во ова уживам? Уживам да тренирам, уживам кога ги гледам резултатите од својот труд. Уживам да се разбудам без мамурлак, уживам да се чувствувам добро во своето тело и во патувањата со луѓето што ги сакам. Дисциплината не ми е казна, тоа е живот кој сама го одбрав. Не мора секој да живее како мене, но престанете да се однесувате како некој што не пие и води грижа за себе да пропуштил живот. Можеби само имаме различна дефиниција за уживање“.
Потсетуваме, Катарина неодамна го привлече вниманието на јавноста и кога покажа талент за пеење за време на Шабачкиот вашар, иако нејзиниот сопруг изјави дека музиката е минато за неа и дека дует не доаѓа предвид.
