Искрена исповед за оние што му згрешиле објави Никола Мишковски, готвачот од популарното шоу од „Брза кујна“.
-Многумина влегоа во мојата кујна како почетници, некои и како ништо. Излегоа со занает, знаење и самодоверба. Тоа е факт! Денес, истите тие луѓе имаат образ да заборават каде биле и да зборуваат лошо за човекот од кого учеле. Тоа не е успех – тоа е неблагодарност.
Не сум јас тој што треба да се оправдува. Јас знам што сум дал и до каде сум ве донел. Кој има карактер, ќе го признае тоа. Кој нема, ќе плука по минатото. Запомнете едно: може да ме надминете, но не можете да избришете дека од мене сте почнале и јас ви го променив животот.
Кујната не простува заборав, ниту животот. Кој памети од каде тргнал, оди напред. Кој плука по својот почеток, сам си го затвора патот и ќе остане сам! Кармата е незгодна,кога тогаш ќе ве стигне- напиша шеф Никола.
Во оваа приказна се презпозна фолк-пејачот Јордан Митев. Тој ја сподели објавата на шеф Никола и на неговиот фејсбук профил напиша.
-Во одредени муабети и приказни едноставно човек ќе се пронајде….Проклетство на славејот е што и покрај убавата песна и убавина на гранката стои сам, за разлика од чавките и гавраните кои најчесто се во јато. Се поклонувам Никола, само здравје и напред, скапаните јабуки сами ќе паднат од дрвото- сподели Јордан Митев.
