Медот е здрава намирница која ја конзумираме во текот на целата година, но особено за време на зимскиот период. Кога сме настинати, прво што помислуваме е чај со природен мед, а за енергичен почеток на денот и подобрување на имунитетот лажичка мед ставаме во здравите смути кои ги подготвуваме наутро. Но пазарот е полн со секакви видови на мед, поевтини или поскапи, а цената не е гаранција за квалитетот. Лажниот мед е насекаде кој се подготвува со шеќерен или пченичен сируп, адитиви и бои.
Како да го препознаеме природниот мед?
Протријте малку од медот меѓу показалецот и палецот, па ако прстите се лепат, значи дека медот содржи шеќер и некои други засладувачи.
Природниот мед не содржи вода
Ставите неколку капки мед на хартиена салветка. На вистинскиот мед ќе му треба доста време да пробие низ хартијата зашто не содржи вода.
Природниот мед не се топи веднаш во вода
Наполнете чаша со вода и додадете лажичка мед. Природниот мед ќе падне на дното и ќе остане компактен, додека вештачкиот веднаш ќе почне да се топи.
Природниот мед го стврднува лебот
Намачкајте мед на парче леб. Природниот мед ќе го стврдне лебот за неколку минути, додека вештачкиот ќе го натопи лебот.
Природниот мед „боцка“ во устата
Пред да проголтате природен мед ќе почувствувате боцкање во устата, кое нема да го почувтвувате кај вештачкиот мед.
Природниот мед со време се кристализира
Вистинскиот мед со време се кристализира што не е случај со лажниот мед.
Природниот мед не пречи во процесот на запалување
Врв на чкорче натопете го во мед и пробајте потоа да го запалите. Природниот мед нема да пречи во процесот на запалување, за разлика од лажниот кој содржи вода.
