Денес со почеток во 21.30 часот во Јавна соба, ќе имаат концерт Летечки Пекинезери.
Се работи за македонски свинг-џез бенд. Името – Летечки Пекинезери е избрано уште пред да постои бендот. Една од причините за изборот на името е да се прекине тековната традиција во џезот каде што имаш лидер и бендот го носи неговото име и бројот на музичари кои свират со него. Ова континуирано клише некако ги натера денешните џез групи да звучат предвидливо и го уби звукот на колективот.
Од бендот сметаат дека џезот станал музика за солисти и само тоа. Летечки пекинезери се Бојан Петков (гитара), Иво Солдатовиќ (кларинет), Петар Христов (тенор саксофон)️, Кирил Туфекчиевски (контрабас) и Славчо Коцев (тапани).
Билетите по цена од 250 денари се набавуваат однапред во барот на Јавна Соба.
