Сопругата на Брус Вилис, Ема Хеминг, преку својот Инстаграм профил ја потврди поддршката што ја добива од сите доктори и специјалисти за грижата на својот сопруг во овие тешки времиња. На 67-годишниот актер неодамна му беше дијагностицирана фронтотемпорална деменција, болест чии симптоми вклучуваат и често-променливо однесување, па и агресивност.
Хеминг работи со специјалистката Тепа Сноу со цел да научи како најдобро да се грижи за својот сопруг во овој момент.
„Благодарна сум што имав можност да работам со Тепа Сноу, која ми помага на многу начини како да се справам со деменцијата на Брус“, напиша Хеминг.
View this post on Instagram
Поради влошената здравствена состојба, ѕвездата реши да ги продаде сите свои имоти освен куќата во која што живее. Домовите што ги продаде беа локациски во Туркс и Каикос, Ајдахо и Беверли Хилс. Планот на Брус и Ема е да се населат во близина на нивното семејството во Калифорнија, за Брус да може да поминува повеќе време со своите најблиски.
View this post on Instagram
Според TopTenRealEstateDeals.com, Брус го продал имотот за 27 милиони долари во 2019 година, а сега се враќа на пазарот за 37,5 милиони по целосното редизајнирање. Во меѓувреме, неговиот имот од 22,6 хектари во Вестчестер, Њујорк, беше продаден за 7,66 милиони во 2020 година, што е неверојатни 41 отсто помалку од првичната барана цена од 12,95 милиони.
„Ги ставам потребите на моето семејство над моите. Тоа е сега најважно, и не треба да се сметам за никаков херој. Понекогаш тоа знае да влијае на моето целокупно ментално здравје“, призна Хеминг.
