Јелена Карлеуша и Душко Тошиќ во последните неколку години имаат турбулентна врска, а нивниот брак долго време е тема и во медиумите и во белградската чаршија. Неодамна се шушкаше дека Тошиќ наводно е вљубен во пејачката Ина, но Карлеуша се огласи и ги демантираше овие приказни, по што најави големо повлекување.
На сите им е јасно дека пејачката и поранешниот спортист имаат турбулентни односи, но како што пренесува српски „Курир“, двајцата успеале да ги пребродат најтешките моменти, барем така тврдат нивните блиски пријатели.
„Тие двајца се како рогови во торба. Така беше барем до неодамна. Ниту во еден брак ништо не е одлично, па ниту во нивниот, но се трудат да ја зачуваат заедницата што е можно повеќе. Во нивниот случај е многу потешко бидејќи има многу фактори кои се случуваат од ден на ден, а кои влијаат на таа врска. Сепак, неодамна успеаја да ги надминат сите несогласувања и проблеми. Душко ја одврза ќесата и ѝ подари на Јелена скапи крпчиња облека и покажа колку му е важна, и тоа да бидат во фер односи. А Јелена ја спушти топката, го поддржува, го брани и се труди негативните информации да не влијаат на семејството“, рекол изворот и открил дали парот живее заедно:
„Секако дека живеат заедно. Душко живее во куќата која ја купи од Драган Стојковиќ Пикси заедно со пејачката и со нивните деца. Има тој недвижнини во градот во кои престојуваше додека беше напнато во нивниот однос, тоа беше оној период кога стануваше збор за насилство, но се е тоа зад нив сега. Да чукнам во дрво, злото да не слушне, последните денови се заедно и се смејат на се што читаат за нив на социјалните мрежи и убаво се забавуваат“.
