Џон Хјуз, јасновидец од Бирмингем вели дека кралот Чарлс Трети ќе издржи само седум години на тронот пред да му ја предаде круната на принцот Вилијам и дека принцот Хари ќе се врати во кралското семејство во следните две години.
Тврди и дека принцот Хари и Меган Маркл ќе се разделат и дека тој повторно ќе му се придружи на кралското семејство во Велика Британија.
Џон Хјуз има сопствена компанија „We Are Namaste“, а води сесии од својот дом во Сатон Колдфилд. Дел од парите што ги заработува ги дава на добротворни организации, а медиумите често го цитираат.
Како што пишуваат странските медиуми, бабата на Хјуз била видовита, а тој самиот верува дека неговите дарби во разговорот со мртвите и предвидувањето на иднината се наследни.
„Во рок од седум години, мислам дека Чарлс ќе сфати дека сака да абдицира, и тоа од едноставна причина: не сака повторно да троши милиони фунти на државен погреб. Вилијам ќе ја преземе таа улога во наредните седум години“, рекол тој.
Хјуз вели дека кралицата Елизабета Втора не можела да абдицира поради сета „траума“ што ја претрпела со нејзиниот син принцот Ендру и со смртта на принцезата Дијана.
