Според информациите на Бизнис Инсајдер, Илон Маск и пејачката Грајмс добиле трето дете.
Американскиот милијардер Илон Маск има тајно дете со канадската пејачка Грајмс. Ова го пренесува Business Insider повикувајќи се на сè уште необјавената биографија за Илон Маск.
Новинарот Волтер Ајзаксон, автор на биографијата за Илон Маск, потврди дека момчето се вика Техно Механиус, а го носи прекарот Тау. Возраста на детето не е соопштена. Ова е трето заедничко дете на Илон Маск и канадската пејачка Грајмс – парот веќе има син и ќерка.
Заедно со Техно Механиус, Илон Маск има десет биолошки деца од три различни жени. Од неговиот прв брак со писателката Џастин Вилсон, претприемачот ги има близнаците Грифин и Ксавиер и тројките Демијан, Саксон и Каи. Маск има и син, Екс Аш Хеј Твелв и ќерка, Екса Дарк Сидерал, од бракот со Грајмс. Покрај тоа, во јули 2022 година, се дозна за вонбрачните близнаци добиени од една од врвните менаџери на фирмата на Маск „Тесла“, Сиобан Зилис.
Илон Маск и Грајмс почнаа да се забавуваат во 2018 година. Претприемачот и пејачката првпат се појавија заедно во 2018 година на настанот Мет Гала. Во 2021 година, парот објави дека се разделува.
