Шпекулациите за приватниот живот на поранешниот фудбалер Душко Тошиќ не престануваат да ја интригираат јавноста, а новите фотографии од летувањето ги подгреаја гласините за можно помирување со атрактивната Нора.
Иако многумина веруваа дека на нивната врска е дефинитивно ставена точка, на нивните профили се појавија фотографии од речиси идентична локација, покрај луксузен базен опкружен со зеленило, далеку од градската гужва. Вниманието на социјалните мрежи дополнително го привлече и тоа што и двајцата одлучија да ги сокријат клучните детали, не ја открија точната дестинација, ниту пак со кого го минуваат времето.
Овој потег веднаш покрена бранови коментари и прашања дали двојката тајно ужива во заедничкиот одмор.
Сепак, главните актери засега одлучија да задржат приватноста и нема официјална потврда за нивното повторно зближување. Останува да се види дали станува збор за чиста случајност или за почеток на ново поглавје.
