Сузана Турунџиева е жена која инспирира во секој поглед, осбено поради храброста. Во јули поминаа девет години од ненадејната смрт на нејзиниот сопруг, Марјан Јовановиќ. Турунџиева, со овие зборови се сети на својот покоен сопруг.
„28 јули 2016. 9 години подоцна… Денот кој посакувам да можам да го прескокнам или да го избришам од календарот, ми е болен и освестувачки потсетник за минливоста на животот и неможноста да ги промениме нештата… Почивај во мир наш Марјане. Цел живот доцнеше, ама тоа утро избрза“.
Таа е водителка на Утринската програма на Тв Алфа, мајка на две ќерки, Матеа и Лора и баба на Јаков, од нејзината ќерка Лора. Го основа женскиот хор „Фрида“ во кој членуваат жени над 40 години, и имаат успешни настапи.
Она што во последно време може да се забележи кај Сузана е новиот имиџ, пократка коса и марамите кои ги носи, што е уште една нејзина уникатност. На една своја објава, таа покажа како на неа делува музичката терапија свирејќи во скопскиот Градски парк, а на друга, таа напиша:
-Секој од нас има задача да свети во својот полн сјај, бидејќи тоа е единствениот начин на кој можеме на оние кои најмногу ни значат, да им го осветлиме патот.. Но, не ја пригушувајте сопствената светлост, доколку таа не му помага секому. На многумина едноставно им пречи, или им боде право во очи!
Ама без оглед на сѐ, светете! И покрај тоа што во вашата околина понекогаш нема никој. Бидете им светлина на оние на кои им настапила мрачна делница на животниот пат.
Обидете се да не завлегувате во туѓиот мрак. Охрабрете ги и влејте им самодоверба, а потоа покажете им го најбезбедниот пат кон светлината. Тогаш, вистински ќе знаете и почувствувате дека вашиот живот има смисла..Фала ти животе“.
