Српскиот пејач Жељко Самарџиќ ги воодушеви минувачите на улицата „Кнез Михајлова“ кога му се придружи на уличниот музичар и пееше заедно со него.
Самарџиќ, кој неодамна ги воодушеви сите со фотографија со својот внук, одел по улицата, а кога го здогледал уличниот музичар Душан Црнобрња, не можел да одолее да не му се придружи.
Иако Жељко бил облечен во црно, носел капа и очила за сонце, минувачите веднаш го препознале неговиот глас.
Црнобрња и Самарџиќ го отпеале неговиот голем хит „Devet milje metara“, а околу нив за миг се собрале околу мноштво луѓе.
Оваа ситуација ја снимила поранешната членка на српското реално шоу „Задруга“, Софија Уна Маниќ, која шетала со својата ќерка во центарот на градот.
„Кој имал можност да присуствува на ова е богат човек, особено јас како мајка. Не е ли уметност да се направи фантастичен концерт за две секунди, без никакви подготовки, ефекти, пари? Најголема љубов и аплауз“, напиша таа, меѓу другото.
Да потсетиме, по стапките на Жељко тргнала и неговата ќерка Миња, која се занимава со музика, често настапува во клубови, но и со својот татко како негов придружен вокал на концертите.
