На својата нова инстаграм-приказна, Наде Талевска ја покажа својата голема трансформација. Поп и оперската пејачка е видно ослабена и изгледа одлично.
Талевска последниве години е повеќе посветена на нејзината работа во Националата опера и балет, каде што настапува како солист-сопран. При крајот на февруари, таа настапи во улогата на Виолета Валери во операта „Травијата”.
Наде е еден од најдобрите и најквалитетни вокали на нашата музичка сцена. Во последно време помалку е активна во поп-музиката, но затоа, пак, е своја на своето на оперската сцена, како сопран во Националната опера и балет. На концертите со евергрини и поп-хитови е загарантирано дека таа секогаш го добива најголемиот аплауз. Како мајка на три сина вели дека не е лесно да си самохрана мајка.
Пред неколку години, таа се раздели од сопругот Ненад, за што за првпат зборуваше во интервјуто за „Слободен печат“.
-Без сомнение би ја издвоила улогата на Лучија, една од најкомлексните да се долови како лик, карактер и вокално техничка интерпретација. Имам уште многу улоги во кои би сакала да се остварам, а една од нив би била Констанца од Моцартовата „Грабнување од Сарајот“ – рече Наде Талевска.
-Максим е 12-годишно момче (кое веќе ја достигна мојата висина, кај и да е ќе ме надмине). Тој е спортистот во фамилијата, кој уште од само породување навести дарба, а со текот на времето сѐ повеќе развива афинитети кон спортот. Михаил (10 години) ќе биде мојот наследник, кој покрај неверојатниот талент има развиено голем интерес и љубов кон музиката. Матео има осум и пол години. Најмалечок, кај кого сѐ уште постои онаа невина детска љубопитност кон сè што го опкружува – сподели таа за своите синови.
