Пејачката Наташа Алимпиќ Идила откри дека пејачот Харис Џиновиќ целосно го прекинал контактот со неа. Наташа никогаш не ги криела симпатиите кон Харис, а во неколку наврати имале можност и да се сретнат.
– Многу работи се сменија во нашиот однос. Сега гледам дека има девојка и не сакам да му пречам. Не ми се јавуваше, а слушнав дека ја официјализирал новата врска, па не би сакала да ја расипувам таа љубовна идила. Харис ми расипа некои планови, но му простувам. Имавме пријателски контакт, а потоа едноставно престана да се јавува, без никаква најава или лош гест од моја страна. Сè беше идеално – се слушавме, ми даваше совети за кариерата, ми ветуваше одредени работи, но ништо од тоа не се реализираше. Како што велат: „Ветување – радост за луди.“ И самата сфатив дека од тоа веројатно нема да има ништо. Сепак, му посакувам сè најдобро – изјави Наташа.
