Хрватската музичарка Хана Хулиќ сподели ретка фотографија со својот сопруг, пејачот Петар Грашo, неколку дена по одбележувањето на четвртата годишнина од бракот.
Парот на 19 февруари прослави четири години брачен живот, а Хана реши интимниот момент да го сподели и со своите следбеници на Инстаграм. Објавата веднаш предизвика бројни реакции, со оглед на тоа што тие ретко споделуваат заеднички фотографии.
View this post on Instagram
На фотографијата сопружниците се сликани одзади, во опуштена и романтична атмосфера. Хана ја има потпрено главата на рамото на Петар, додека тој ја прегрнува околу половината. Покрај фотографијата таа стави само емотикон со бело срце, без дополнително објаснување.
Обожавателите во коментарите им упатија честитки и пораки со љубов, истакнувајќи дека парот зрачи со хармонија и блискост.
