Градоначалникот на Задар, Бранко Дукиќ, наводно не дозволил концертот на Александра Пријовиќ да се одржи во Задар, јавуваат хрватските медиуми.
Според локалните медиуми, концертот требало да се одржи во мај во салата „Крешимир Ќосиќ“, но Дукиќ наводно експресно одбил да ја пушти Александра да пее во градот, па концертот не бил ниту закажан ниту најавен, пишува „Индекс.хр“.
Како што понатаму наведува гореспоменатиот портал, Дукиќ ги одбил организаторите на концертот и го оправдал со тврдењето дека во салата „Крешимир Ќосиќ“- „нема слободни термини“.
Градоначалникот на Задар не одговори на прашањата на локалниот портал, ниту пак одговори управата на салата, а немаше никаков коментар од организаторите на концертот.
