Српската пејачка Гота Тржан денеска го слави роденденот, а малкумина знаат колку години има пејачката. Таа денеска го слави 52-от роденден, а првата честитка пристигна од нејзиниот поранешен сопруг Иван Маринковиќ, кој во моментот учествува во реалното шоу „Елита“.
Гоца Тржан изгледа беспрекорно, и како што еднаш истакнала, морала да се откаже од некои работи. Пејачката постојано нагласува дека е голем гурман и дека сака да поминува време во кујната и да пробува нови рецепти, но морала да направи некои промени во исхраната за да нема проблем со вишокот килограми.
– Без разлика колку и да ослабам, ми останува тоа долно стомаче, па го вовлекувам навнатре кога позирам, па го стегам, па го местам… но што да правам, го имам, мој е, по породувањето малку и се зголеми, но научив да го сакам – рекла Гоца.
За нејзиниот изглед е заслужен и тренингот, а еднаш споделила како изгледа нејзината исхрана.
– Јадам двапати на ден, како некоја птичка. Порциите и залаците ми се мали, се трудам да не прејадувам. Ако тоа понекогаш се случи, се знае што ми следува. Следниот ден гладувам и напорно вежбам.
Гоца ги исфрлила лебот и печивата од исхраната, иако ги обожава.
– Избегнувам леб, многу сакам леб и сè што е поврзано со тесто, но морам да се држам настрана од такви работи. Ги обожавам кифлите, печивата, но не можам да ги јадам и свесна сум за тоа. Тоа е најопасно за мене, за мојот организам и за тежината. Кога ќе одберам да јадам тесто, сама месам сè и тоа не ме потекува. Не е проблематично како купеното. Сама правам пица, го замесувам тестото на подлога и додавам состојки за кои знам дека се нискокалорични – рекла Гоца.
Исто така, се труди да не јаде слатки.
– Избегнувам слатки, но сепак не можам да одолеам на сладолед. Човек понекогаш мора да си угоди и да биде среќен. Сите сме живи луѓе и сакаме да го прекршиме здравиот режим на исхрана – рекла своевремено поп-пејачката и додала дека кога сака да се заслади, зема путер од кикирики и мед.
Инаку, нејзиниот поранешен сопруг, Иван Маринковиќ, јавно да ѝ честиташе роденденот пред камерите.
„Денес е осми јули, 52-ри роденден на Гордана Тржан, мојата поранешна сопруга, мајка на моето прво дете. Среќен 52-ри роденден Гоцо Тржан“, гласеше пораката на Маринковиќ.
