Водителката и поранешна пејачка Ана Севиќ во мај одбележа пет години брак со сопругот Даниел Недељковиќ, со кого се венча далеку од очите на јавноста.
Двојката судбоносното „да“ го изговори во 2021 година на интимна церемонија, а веста за венчавката Ана ја сподели со јавноста дури еден месец подоцна.
Во моментот кога стапиле во брак, тие веќе биле родители на ќерката Сена, па одлучиле истиот ден да го одбележат и нејзиното крштевање. Граѓанската и црковната церемонија биле организирани во околината на Шабац, во присуство на најблиските членови на семејството и пријателите.
По венчавката, Ана ја објави и првата фотографија во венчаница. За својот втор свадбен ден избрала краток бел фустан со долги ракави, а српските медиуми тогаш објавија дека нејзиниот венчален прстен со дијамант чинел околу 3.750 евра.
View this post on Instagram
„Мило ми е што успеавме да ја зачуваме свадбата далеку од јавноста. Се венчавме во околината на Шабац, и пред матичар и во црква. Имавме околу дваесетина гости. Наместо голема веселба организиравме семеен ручек, сè беше скромно, но многу емотивно. Кога го кажавме ‘да’, му згазнав на Даниел, како што налага обичајот. Го земав неговото презиме. За јавноста останувам Ана Севиќ, но за сите други сум госпоѓа Недељковиќ“, изјави тогаш таа.
Ана призна дека тој ден едвај ги задржала солзите.
„Малку ми недостигаше да заплачам, бидејќи истиот ден ја крстевме и Сена. Кога по една година ќе ги видите сите најмили луѓе собрани на едно место, невозможно е да не ве совладаат емоциите“, рече таа.
Во тоа време најави дека во иднина ќе организираат и голема свадбена прослава, но тоа досега не се случи. Во меѓувреме, семејството се прошири и со раѓањето на нивниот син Симон.
