Пејачката Рада Манојловиќ по повеќе од петнаесет години проговори за позадината на заминувањето на нејзиниот тогашен партнер и колега Милан Станковиќ од продукцијата „Гранд“. Нејзината искрена исповед повторно ја вознемири јавноста, особено по признанието дека и самата била отстранета од програмата бидејќи го штитела Милан.
Рада откри дека вистинскиот проблем настанал кога бил објавен разговор што Милан не го дал, а бил пласиран во негово име, во период кога тој минувал низ тешка семејна трагедија.
„Така беше. Тогаш му почина вујкото, брат на мајка му. Сите знаеме дека Милан порасна без татко. Вујкото му беше како втор татко, вистинска татковска фигура. На денот на погребот Милан требаше да биде гостин на концерт на Марија Шерифовиќ. Сето тоа се случуваше две недели пред Евровизија. Замоли да не оди, човекот почина ненадејно, од срцев удар. Никој не очекуваше. Утредента беше погребот токму на денот на концертот“, раскажа Рада за списанието Scandal.
Таа додаде дека и покрај молбата, пристигнала насока дека мора да се појави.
„Сите сме расплакани, скршени од болка, а ти треба вечерта да бидеш гостин на сцена. Тоа не е природно за млади луѓе. Почина човек кој ти ја заменувал татковската љубов“, вели Рада, објаснувајќи дека Милан барал само неколку дена да се соземе пред Евровизија.
Ситуацијата дополнително се влошила кога продукцијата инсистирала да се даде изјава за весник во истиот период.
„Замоли само за седум дена. Ништо немаше да пропадне. А тие инсистираат. На крај се појави разговор што не бил благ. Беа навредени луѓе од струката, а сето тоа беше пласирано како да го кажал Милан“, открива Рада.
