Им испраќал потресни снимки и фотографии преку социјалните медиуми на кои е измачуван и побара пари за негов откуп
Кристофер Селман од Кент го лажирал своето киднапирање за да земе пари од пријатели и познаници.
На фотографиите кои им ги проследил тој е со нож на вратот и со пиштол на слепоочницата. Со видеото, отишол чекор понатаму, па таму се гледа како главата му е потопена во вода додека се бори за здив
Нему, во оваа морбидна измама му помогнала неговата поранешна девојка Стефани со која детално го разработил планот “киднапирање”.
Нивните жртви на измамата први добиле порака на социјалните мрежи од непознат број, каде имали фотографија на која се гледа главата на Кристофер со нож на неа.
Во пораката, “непознат киднапер” напишал дека го киднапирал Кристофер, и ќе го ослободи само ако платат пари на одредена банкарска сметка.
Плашејќи се за неговиот живот, пријателите веднаш уплатиле дел од парите, но тоа не било доволно за него, па продолжувал да бара повеќе пари.
Наредните денови им испраќал фотографии со пиштол во устата, барајќи им 1.000 фунти или наводно ќе го убијат.
Бидејќи језивата пракса продолжила и во наредните денови, неговите пријатели почнале да кажуваат дека немаат повеќе пари, но тој ги исплаши со приказната дека знае каде живеат и дека некој ќе ги претепа доколку не дадат пари.
Пријателите на Кристофер веднаш контактирале со полицијата во Кент, а тие ги советувале да го променат телефонскиот број. Сепак, Кристофер и Стефани имале решение за оваа ситуација. Почнале да испраќаат фотографии преку е-пошта и социјални мрежи.
Полицијата, во склад со постапката, ги анализирала граматичките грешки на Кристофер и грешките на наводните киднапери. Она што го откриле, ги шокирало. Сфатиле дека овие исти пропусти, ги правел и Кристофер, наскоро го пронашле и го уапсиле за уцена, пишува Метро.
Тој беше осуден на две години и четири месеци затвор, а неговата поранешна девојка Стефани на 18 месеци условна казна.
Неговите пријатели беа повредени поради начинот на кој Кристофер се обиде да ги измами, рече полицискиот инспектор.
– Кога дојдоа кај нас, не се грижеа за парите. Важно им беше само тој да се спаси. Моите мисли се со овие луѓе, ќе биде потребно време да се опорават од овој шок “, рече тој.
