Кетрин Зета Џонс и Мајкл Даглас ја продаваат својата вила во Њујорк, а агенцијата за недвижности објави фотографии од луксузниот ентериер.
Претходно овој месец, Кетрин Зета-Џонс и Мајкл Даглас објавија дека нивната куќа покрај реката во приградското село Ирвингтон во округот Вестчестер, Њујорк, е на продажба за 12 милиони долари.
Сместена северно од Њујорк и свртена кон реката Хадсон, куќата има четири ката, осум спални соби и 12 бањи.
На првиот кат има затворен базен, теретана и просторија за рекреација. Голема дневна соба, салон, работна соба, семејна соба и кујна се исто така меѓу просториите што ги има вилата.
would anyone like to lend me $12 million for Catherine Zeta-Jones and Michael Douglas’s New York mansion? pic.twitter.com/ETVQSTkc1T
— hannah (@dumbandfunn) June 18, 2024
Кујната е направена во стил на селска куќа, со ѕидови со бели плочки, мермерни површини, уреди од Miele и златни детали. Двокатната библиотека е обложена со дрвени плочи и има камин на дрва направен од црни тули, како и француски прозорци со кружен врв.
Двојката, која се венча во 2000 година, го купи замокот за 4,5 милиони долари во 2019 година, го реновираа но ги ги зачуваа нејзините оригинални карактеристики од 1920-тите.
„Кога го купив нашиот дом во Ирвингтон, знаев дека нашето семејство ќе сподели многу среќни времиња овде, а ние навистина ги имаме“, изјави актерката за The Wall Street Journal.
Парот поседува недвижен имот ширум светот, а вилата одлучиле да ја продадат бидејќи, како што велат, поминуваат повеќе време на Бермуди и во Европа.
