Живкица Каленикова објави слики со сопригот Зоран, дотерани со посебен повод, на црвен тепих. Поводот е фестивалот „Браќа Манаки“ во Битола на кој и двајцата биле.
Водителката на својот Инстаграм профил објави слики од прошетките низ Битола и напиша: “Манаки викенд 46-то издание, и понекоја папарацо фотка. Битола , убавина“.
Живкица е мајка на три деца, и во една прилика за „Слободен печат“, зборуваше за себеси како добра домаќинка:
-Правам преубаво оривче во тавче, она „најбапското“, она што од мајка ми сум го научила како рецепт, растурена сарма, што и јас многу ја сакам, полнетите пиперки што ги обожаваат децата – и јас ги сакам, компир манџа.
Зборувам за оние традиционални јадења. Она што уште не можам да го изучам е да ги направам јуфките онака како мајка ми – домашни таљатели, а знам и да месам. Така што, тоа се моменти што ги сакам и ги негувам и денес“.
