Пејачката Дара Бубамара си купи уште еден стан од хонорарите што ги добиваше како учесник во жирито на музичкиот натпревар „ Ѕвездите на Гранд“.
Имено, Дара регистрирала уште еден стан на свое име во луксузна населба во Белград штом го потпишала договорот со „Гранд продакшн“.
Таа платила 350.000 евра за овој стан, односно го дала целиот хонорар од учеството во Гранд.
– Дара доби 100.000 евра за една сезона во „ Ѕвездите на Гранд“, а бидејќи потпиша договор на три години, заработи вкупно 300.000 евра! Таа одлучи тие пари и уште 50.000 евра, кои ги собра од последниот албум, да ги искористи за стан во Нов Белград. Важно ѝ е што белградската населба има обезбедување, а локацијата ѝ одговара бидејќи во непосредна близина се нејзиниот фризер, шминкер и стилист, кои се грижат за неа за време на целото снимање, а особено сега за „ Ѕвездите на Гранд“ – вели извор близок до пејачката и открива како изгледа нејзиниот нов стан:
– Дара ни се јави за селењето. Станот е на втор кат, беж бојата доминира во него и таа го опреми луксузно. Ангажирала професионалци, кои се погрижиле сите детали во станот да бидат беспрекорни. Новиот дом на Дара има голема тераса, две спални соби и голема дневна соба. Единствено кујната е мала, но не ѝ треба поголема бидејќи ретко готви, најчесто јаде во ресторан или нарачува храна, особено затоа што е на посебна диета – изјавил извор за Информер.
