Обожавателката на тетоважи Сара Сабат е целосно покриена со тетоважи, нејзината приказна ја пренесува „The Sun“.
На училиште била жртва на врсничко насилство затоа што била „влакнеста“, па отсекогаш сакала да го покрие своето тело со мастило. 26-годишната девојка вели дека тетоважите ѝ помогнале да стане посилна.
Додека ги тетовирала очните јаболчници, тату мајсторот не направил „добра работа“ односно ставил премногу мастило и малку физиолошки раствор. Поради тоа, Сара не гледала ништо и морала да оди на лекар.
View this post on Instagram
„Ми беше многу тешко да направам нешто – не можев да гледам телевизија, не можев да бидам во близина на силни светла и не сакав да сум надвор. Бев многу депресивна поради тоа“, раскажа таа, додавајќи дека се уште не жали за своите тетоважи, иако тие го „загрозиле“ нејзиното здравје.
View this post on Instagram
„Мислам дека потрошив околу 4.000 долари за нив. Ми помагаат да се изразам и да се чувствувам подобро“, откри таа.
View this post on Instagram
Сара вели дека често добива коментари за нејзиниот изглед, но дека тоа не ја спречува да продолжи да се тетовира.
„Луѓето често мислат дека не сум образована, а некои дури си претпоставуваат дека сум криминалец. Но, не ми пречи. Сите сме различни и секој има свое мислење“, раскажа Сара, додавајќи дека сака да има уште повеќе тетоважи на лицето.
View this post on Instagram
„Тие се мојот штит. Тоа е мојот начин на живот и дел од мене. Никогаш нема да престанам да се тетовирам“, заклучи таа.
