Како што пренесуваат странските медиуми, се шпекулира дека актерката Софија Вергара по разводот веќе влетала во нова врска, а станува збор за згодниот ортопедски хирург Џастин Салиман.
Потенцијалните љубовници беа фотографирани како излегуваат во Лос Анџелес минатата вечер, а Софија Вергара за таа прилика облече црн корсет од тантела, кој дополнително ги истакна нејзините бујни гради.
За разлика од актерката која се одлучи за малку поатрактивна облека, Салиман избра малку полежерна опција – едноставни фармерки и обична кошула.
Инаку, „новиот дечко“ на Софија Вергара е медицински експерт, односно ортопедски хирург обучен за спортска медицина и артроскопија, специјализиран за третман на повреди на рамото, колкот и коленото – додаваат американските новинари.
Салиман не е непознат за холивудската сцена – тој претходно беше во брак со актерката Бри Тарнер, но парот се разведе во 2018 година.
Што се однесува до Вергара, таа неодамна се разведе од Џо Манганиело (во јули оваа година) – по седум години брак.
