Популарната српска фолк пејачка Александра Пријовиќ, која минатата година ги забавуваше гостите за новогодишната реприза во хотелот „Краун Плаза“, а за дочекот беше во арената Центар во Бања Лука, годинава ќе настапи во комплетно реновираниот Сава центар во Белград.
Прија, која инаку е снаа на Лепа Брена, сега преку својот инстаграм-профил ги извести бројните обожаватели дека за Нова година ќе можат да ја слушаат во Белград.
View this post on Instagram
Пејачката Александра Пријовиќ забележа голем успех со трите концерти што ги одржа во арената во Белград, а интензивно се подготвува и за концерти во Босна и Херцеговина, Ниш и Загреб.
Александра за кратко време стана една од најбараните, но и најплатените пејачки од српската сцена.
Прија сега ја сподели веста на својот инстаграм-профил, што без сомнение ги израдува сите нејзини обожаватели.
По низата распродадени влезници за концертите, Александра ќе пее за Нова година во Сава центар во Белград.
Српските медиуми пишуваат дека сите кои биле спречени да присуствуваат на некој од нејзините концерти или пак, сакаат да уживаат во нејзиниот глас, тоа ќе можат да го направат на 31 декември.
„Сава центар, Белград. Со нетрпение очекувам да ја дочекаме Новата година заедно!“, напиша Александра на својот профил.
View this post on Instagram
