Манекенката позираше во бела маичка и тексас шорцеви, со бујна фризура, исто како и во култната реклама во 1992 година. Откри дека учествува во проектот за да се соберат средства за детска болница.
Супермоделот Синди Крафорд се врати во изворниот сет по речиси три децении од нејзината култна реклама за „Пепси“.
View this post on Instagram
55-годишниот модел позираше во бела маичка и кратки тексас шорцеви во комбинација со црвени салонки пред кафулето „Halfway House“ во Санта Кларита, Калифорнија.
За препознатливата бујна фризура се погрижи познатиот холивудски фризер Питер Савиќ, кој ја стилизирал косата на Синди и во оригинална реклама од 1990-тите.
View this post on Instagram
Шминката и стајлингот беа беспрекорни и се чинеше дека Синди, во меѓувреме, не изгледаше како да старее ниту еден ден.
Крафорд и фотографот Дејвид Џероу одлучиле да ја рекреираат рекламата за да соберат средства за Американската детска болница во Медисон, Висконсин, каде братот на моделот претходно се лекувал од леукемија.
View this post on Instagram
Синди на социјалните мрежи откри дека тие веќе собрале повеќе од 1 милион долари за таа цел. Нејзиниот изглед и добротворни цели ги пофалија многу нејзини следбеници, а меѓу нив, секако, беа и голем број ѕвезди како Џенифер Лопез и Рис Витерспун.
