Актерот Ричард Гир излезе на црвениот тепих во прегратка со својата млада сопруга.
Во вторник, 17 јануари, во хотелот „Крозби стрит“ во Њујорк се одржа премиерата на филмот „Maybe I Do“ во режија на Мајкл Џејкобс. Филмот го претставија главните актери, меѓу кои и Ричард Гир. 73-годишниот актер се појави во друштво на неговата 39-годишна сопруга Алехандра Силва, облечена во црвен макси фустан со деколте. Гир ја прегрна Силва додека се фотографираа.
View this post on Instagram
Ричард Гир и Алехандра Силва почнаа да се забавуваат во 2015 година, а се венчаа три години подоцна. Актерот е 34 години постар од сопругата. Во 2019 година, двојката го доби синот Александар, а во 2020 година се роди нивниот втор наследник, чие име сè уште не го откриваат.
Ричард Гир има и син од втората сопруга, актерката и модел Кери Лоуел, 22-годишниот Хомер. Алехандра Силва пак, има син од претходниот брак со бизнисменот Говинд Фридланд, 9-годишниот Алберт.
