На наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
Месецот на пастата – октомври, го продолжуваме со превкусен рецепт од овој врвен готвач, гастроном и љубител на кулинарството. Овојпат Бранко ни открива рецепт за подготовка на ФУСИЛИ со грчко сирење и доматен сос.
Многу љубов има кога ќе се спомне – „За ручек ќе имаме паста.“
Емоции, уживање, вкусови, Италија!
Колку ти уживаш во твојата паста?, прашува Попоски.
Потребни состојки
- Едно пакетче Фусили (паста)
- Морска сол
- 20мл. маслиново масло
За сосот
- 300гр. грчко бело сирење
- 50мл. маслиново масло
- 200мл. доматен сос
- Свеж босилок
- Рендано тврдо сирење
ПОДГОТОВКА
Откако ќе се свари пастата, ставете ја во огноотпорен сад за печење. Полијте маслиново масло и истурете доматен сос за да се потопи целата паста. Додадете и сушен босилок морска сол и бибер. На средина, ставете го грчкото сирење и над него истурете маслиново масло. Печете околу 20 -25 минути. Откако ќе се испече пастата промешајте го убаво сирењето низ целата паста. Изрендајте тврдо сирење.
Веднаш следува и втора чинија!
