Музичката ѕвезда Теа Таировиќ конечно си го оствари сонот за меден месец. Иако судбоносното „да“ го изговори уште во мај минатата година, поради бројните настапи и обврски, таа дури сега успеа да одвои време за одмор со сопругот Иван Вардај.
По Нова година, двојката отпатува на една од најлуксузните и најпосакувани дестинации во светот – Малдивите, каде што уживаат во неколкудневен одмор далеку од секојдневието, обврските и јавноста.
Теа на социјалните мрежи сподели серија фотографии од егзотичниот остров, на кои може да се види како ужива во сонцето, морето и мирот што го нуди оваа дестинација. Дел од фотографиите се во боја, дел црно-бели, но сите зрачат со релаксација и летна атмосфера.
Она што веднаш го привлече вниманието на следбениците е нејзината витка фигура, која дојде до израз во внимателно одбраниот костим за капење. Коментарите и комплиментите не изостанаа, а пејачката кратко и симпатично се огласи од рајската дестинација.
„Убави сме, здрави сме, одморени сме“, напиша Теа во описот на фотографиите.
Судејќи по објавите, Таировиќ максимално ужива во љубовта и заслужениот одмор, а нејзиниот меден месец изгледа токму како што многумина го замислуваат – како вистински рај на земјата.
