Пејачката Мина Костиќ деновиве е во центарот на вниманието поради врската со Манe Ќурувија, познат како Каспер, со кого со месеци одржувала исклучиво онлајн однос. Откако тој допатува од Америка, двајцата сега заедно уживаат во Белград, а Каспер се вселил и во нејзиниот стан во населбата Шумице.
Новата љубов, сепак, не е добро прифатена од сите. Нашата екипа разговараше со соседите од зградата каде што живее Мина, а нивните реакции се сè освен позитивни.
„Не ме прашувајте за тој човек. Не знам каде ѝ се очите на Мина. Веднаш се всели кај неа. Делува како некој што сака да стане познат преку неа. Искрено, срамота“, вели една од соседките.
Ништо поблага не беше ниту соседката од истиот кат, која тврди дека целата зграда е вознемирена.
„Ова е мирна и луксузна населба, тука живеат семејства и постари луѓе. Откако дојде тој, секојдневно се слуша огромна бучава од станот. Врескање, воздишки, сè се слуша. Крајно непристојно е. Ако продолжи вака, ќе мора да размислиме да повикаме комунална полиција“, изјави видно вознемирената соседка, додавајќи дека се сомнева оти Каспер има скриени намери и дека сака брзо да се ожени со Мина за да дојде до имотот.
И другите соседи велат дека ја гледале двојката како шета низ блискиот парк и дека е очигледно дека Мина е многу повеќе вљубена од него.
И покрај критиките, Мина неодамна јавно призна дека врската со Каспер ѝ значи многу и дека планираат големо семејство.
„Пет деца. Веќе работиме на тоа. Од прв ден како да се знаеме сто години. Тој ме извлече од лош период, буквално ме крена од пепел“, изјави пејачката, додавајќи дека Каспер ќе биде покрај неа „додека не забремени“.
Од своја страна, Каспер тврди дека нивната врска е изградена на здрави темели.
„Нашата врска помина тест каков што ретко кој поминува. Шест месеци живеевме преку видеоповици, без физички контакт. Тоа е доказ дека сме сериозни. Моите идни планови се врзани за Србија, ќе бидам на релација Њујорк–Белград“, изјави тој за српските медиуми.
