Првата дама на САД, Џил Бајден учествуваше на ручек на отворено, во седиштето на британската влада, по крунисувањето на Чарлс Трети.
Џил Бајден беше пречекана од британскиот премиер Риши Сунак и неговата сопруга Акшата Мурти. Првата дама на САД им се придружи на десетици други гости во дворот на Даунинг стрит.
За крунисувањето на кралот Чарлс Трети таа рече дека е „просто неверојатно да се види тоа“.
„Не можете да го замислите тој момент кога всушност ја гледате круната како се става на главата на кралот, а потоа на главата на кралицата“, рече таа за време на телефонското интервју за АП по церемонијата во Лондон.
Ниту еден американски претседател никогаш не присуствувал на крунисувањето на британскиот монарх, а претседателот Џозеф Бајден побара од првата дама да ги претставува САД на негово место.
Белата куќа соопшти дека појавувањето на Џил Бајден е првпат американска прва дама да присуствува на британското крунисување.
На патувањето била придружувана од една од нејзините внуки Финеган Бајден (23).
„Чест ми е што го претставувам народот на Соединетите Американски Држави и сакав да бидам овде“, изјави Џил Бајден.
