Мирослав Кацаров е еден од највпечатливите Тв ликови кај нас. Неговата кариера почна во „Бекстејџ“ а потоа продолжи со емисијата „Голден карпет“ со интересни гости, игри и провокации.
Во 2023 година, тој во Рим на романтичен начин ја побара својата сакана Ивана Зафировска за жена. Миро за „Еспресо” тогаш рече дека претходно го испланирал целото патување како изненадување за Ивана, која е одбојкарка.
„Ја побарав Ивана за жена во еден ресторан на плоштадот Пантеон, додека виолинистот свиреше позната италијанска љубовна песна. Беше многу романтично и авангардно” , раскажа тогаш водителот. Потоа, целата естрада беше на нивната свадба.
Неодамна, Миро објави дека тој и Ивана наскоро ќе станат родители и се пресреќни поради таа вест, а особено малата Миа, ќерката на Ивана од првиот брак која водителот ја сака како своја.
Кацаров објави ретка семејна слика со своите најмили, а неа се и негвоите родители и сопругата. Поводот е убав, роденден на неговата мајка за која упати емотивна порака. „Бох не може да биде насекаде, па затоа ги создал мајките. Среќен роденден мамо. Многу те сакаме сите“, напиша Кацаров.
Инаку, тој неодамна на социјалните мрежи објави дека наскоро ќе знае далин продолжува неговата емисија „Голден карпет“ на „Канал 5“, и воопшто каде ќе продолжи неговиот телевизиски ангажман.
