Се одржа 70. светски избор за убавина, а титулата Мис Универзум за 2021 година ја понесе Харназ Санду (21), Мис на Индија.
View this post on Instagram
Индијката зад себе остави 79 убавици, а титулата прва придружничка ја освои Мис Парагвај Надја Фереира. Втората придружничка е Мис Јужна Африка Лалеу Мсване. Во првите 16 влегоа претставничките од Јужна Африка, Венецуела, Парагвај, Америка, Филипините, Аруба, Индија, Велика Британија, Виетнам, Јапонија, Бахамите, Порторико, Панама, Сингапур, Колумбија и Франција.
Минатогодишната победничка Андреа Меза ѝ ја додели круната на новата Мис Универзум пред Санду да прошета по пистата во Израел.
Дваесет и една годишната убавица е силна поборничка за зајакнување на позицијата на жените во светот, а признала дека нејзин одличен модел е познатата актерка Пријанка Чопра. Санду се занимава и со глума, а слободното време сака да го поминува вежбајќи јога, танцување, готвење, јавање и играње шах, пишува „Пипл“.
Санду беше главна фаворитка на обложувалниците за титулата Мис Универзум. Таа е веќе добро позната во светот на манекенството бидејќи е последната победничка на LIVA Miss Diva, а се круниса и си титулата Мис на Индија, која е една од најпрестижните награди. Индија последен пат победи на изборот за Мис Универзум во 1994 година благодарение на Сушмити Сен.
View this post on Instagram
Инаку, oвој натпревар беше историски, бидејќи за првпат се натпреваруваше претставничка на Обединетите Арапски Емирати и за првпат по повеќе од четири децении, Мис Мароко се врати во натпреварот за изборот за Мис на светот.
Извор: Слободен Печат
