Водителката Јована Јеремиќ е горда на својата наследничка Леа, која успешно го заврши првото одделение во основно училиште.
Водителката на утринската програма се пофали со успехот на својата ќерка на Инстаграм, каде што објави детали од нејзиното школско досие.
– Ова се моите солзи радосници поради сè што сме надминале и колку сме се бореле да испливаме до подобар и посончев брег на животот. Што сме сите ние и какви ликови сме преживеале и поразиле на нашиот пат кон она што е исправно и добро. Кога ќерка ми ме прашува дали постои Дедо Мраз, секогаш ѝ велам: „Во какви луѓе верувавме порано, зошто да не веруваме во Дедо Мраз?“. Доброто секогаш победува над лукавото, пресметаното и корумпирано. Ти благодарам што ме избра да бидам твоја мајка. Ти благодарам што си моја гордост – напиша Јована Јеремиќ.
Да потсетиме, Јована отворено зборуваше за предизвиците низ кои поминала додека ја растела својата ќерка Леа.
Како што рече, девојчето не проговорило до тригодишна возраст, што бил исклучително тежок и емотивен период за неа.
Јована призна дека долго време ги доведувала во прашање своите родителски одлуки и дека верувала дека поради бројни деловни обврски пропуштила некои од најважните моменти со својата ќерка.
Таа секогаш истакнува дека денес е горда на Леа, која пораснала во независно и самоуверено девојче, и дека верува дека од тоа искуство научила важни животни лекции.
– Не сакаше да зборува сè додека не наполни три и пол години, а тоа беше форма на нејзин отпор затоа што ја напуштав. Морам да кажам дека не ми е жал што се случило така затоа што ниту таа, ниту јас немаше да бидеме таму каде што сме денес. Таа се стабилизираше, а јас ги исправив моите грешки во родителството. Таа е способна, може сè сама да направи – рекла Јована.
