Пејачката Анѓела Игњатовиќ – Бресквица беше забележана на белградскиот аеродром, каде привлече големо внимание пред да влезе во луксузен блиндиран црн теренец.
Во разговор со новинарите, таа отворено зборуваше за промените во својот стил и живот, но се осврна и на гласините кои деновиве се шират во јавноста.
Со насмевка ги демантираше шпекулациите дека е во врска со кошаркарската ѕвезда Лука Дончиќ и откри дека нејзиното срце веќе е освоено.
„Пораснав. Ми одговара малку посериозен стил и во моментов се чувствувам најдобро. Воопшто не е вистина дека сум во врска со Лука Дончиќ. Не знам кој ја измисли таа приказна. Не ме интересира. Емотивно сум зафатена. Нека сè оди по својот тек, како што Бог одредил“, изјави пејачката.
Да потсетиме, Бресквица неодамна ја прекина петгодишната врска со полицаецот Немања, а во меѓувреме почнаа да кружат информации дека има нов партнер, кого засега успешно го крие од јавноста.
Според неофицијални информации, станува збор за богат бизнисмен и сопственик на позната компанија од Белград.
Извор близок до двојката тврди дека тие се во врска повеќе од еден месец и дека најверојатно се запознале за време на ноќно излегување.
„Во врска се сигурно повеќе од еден месец. Веројатно се запознале во некој ноќен клуб, бидејќи тој често излегува и е добро познато име на белградската сцена. Има околу триесет години и живее во луксузна населба во Нов Белград“, тврди изворот.
