Нина Бадриќ и ова лето ужива во хрватскиот остров Хвар, кој со години го смета за свој втор дом, но овој пат покажа и особено емотивна страна од својот одмор.
Хрватската пејачка Нина Бадриќ сподели ретка фотографија со својата мајка Мила со своите следбеници на социјалните мрежи. Мајката и ќерката ги поминуваат летните денови заедно на Хвар, а пејачката полна со емоции напишала покрај фотографијата:
„Ден кој се памети е нашата песна, а овие денови се благослов за мене. Мамо“.
View this post on Instagram
Нина често нагласува колку ѝ значи семејството. Во неколку наврати истакнала дека мајката Мила ѝ е најголема поддршка во животот, а подеднакво е блиска и со своите сестри Сунчица и Дијана.
Таткото на пејачката, Симо Бадриќ, почина во 2014 година од срцев удар. По оваа тешка загуба, Нина се повлече од јавната сцена некое време.
Пејачката за ова зборувала за „ИнМагазин“ кратко по неговата смрт.
„Секој што изгубил некого кој е дел од неговото семејство знае колку е тоа тешко и болно. Секој што поминал низ тоа знае дека тоа е како откинување еден дел од себе. Со оглед на тоа што верувам дека некаде горе постои некој посовршен живот, верувам дека сите повторно ќе се прегрнеме таму горе“, рекла тогаш Нина.
„Така што, во таа смисла, сум благодарна што можев да го сакам татко ми 73 години, односно тој мене 42 години и јас ги паметам тие прекрасни моменти“, додала таа во истиот разговор.
