Македонската манекенка Катарина Ивановска ги користи топлите летни денови за одмор во Маврово, каде ужива во друштво на своите деца, Вања и Кира, и партнерот Стефан Ханџиски.
Ивановска сподели албум од фотографии и видеоснимки на Инстаграм, преку кои покажа дел од семејната атмосфера и активностите со кои ги исполнуваат деновите во една од најубавите планински дестинации во Македонија.
„Мавровски игри“, напиша кратко манекенката во описот на објавата.
На една од фотографиите, Катарина позира во прегратка со Стефан, додека останатите кадри се исполнети со летни активности и моменти со децата.
Ивановска ужива во сончањето и разладувањето во Мавровското Езеро, додека Вања и Кира, заедно со своите другарчиња, го поминуваат времето во авантури во природа. Тие истражуваат водопади, уживаат во филмска проекција под отворено небо и се забавуваат со водени игри во дворот.
Со објавата, Ивановска долови дел од нивниот активен летен одмор, исполнет со природа, семејни моменти и детска забава.
Катарина Ивановска е една од најуспешните македонски манекенки, а својата меѓународна кариера ја започна во 2004 година. Во текот на кариерата се појавуваше во престижни модни изданија, меѓу кои „Вог“ и „Ел“, а во 2012 година дебитираше и како актерка во македонскиот филм „Трето полувреме“.
